BR LA UNION – Pinawaywayan ni U.S. President Donald Trump ti 48 nga oras iti Iran tapno maki-tinnunos wenno sangwen ti kunana nga “all hell”.
Iti Truth Social post ni Trump, binallaagan na iti Iran nga ilukat na ti Strait of Hormuz iti uneg ti nasao nga oras wenno sumango iti nakarkaru a military consequences.
“Remember when I gave Iran ten days to MAKE A DEAL or OPEN UP THE HORMUZ STRAIT. Time is running out – 48 hours before all hell will reign down on them,” ani Trump sa kanyang post sa Truth Social.
Nangrugi ti rinnupak, nasurok maysa bulanen ti napalabas, gapu iti US-Israeli strikes idiay Iran ken limmawa ti tensyon iti intero a Middle East, a nakaapekto iti sangalubongan nga ekonomiya, nangruna ti panangirikep ti Iran iti Strait of Hormuz.
Idi Marso 21, immuna a nagpangta ni Trump iti “obliterate” kadagiti power plant ti Iran, nangruna iti kadakkelan, nu saan a lukatan ti Tehran iti Strait of Hormuz iti uneg ti 48 oras.
Napalabas ti sumagmamano nga aldaw, kinuna na a mapaspasamak iti “very good and productive conversations” ken naitantan ti strike iti uneg ti lima nga aldaw.
Ngem ita ket nangituding manen ti Amerika iti deadline nga agleppas ti alas-8:00 ti rabii inton Lunes (Martes ditoy Pilipinas).
Segun kadagiti eksperto, ti panagraut iti civil energy infrastructure ket maibilang a war crime.
Idi Biyernes, inpadamag ti Iran a na-shoot down da ti maysa nga F-15 warplane ti U.S., bayat nga inpadamag met ti U.S. media a maysa kadagiti dua a crew members ket nakalasat bayat a maysa ti mapukpukaw.
Kinatawaan met ni Mohammad Ghalibaf, speaker ti Iran’s parliament, iti administrasyon ni Trump.
“The war they started has now been downgraded from ‘regime change’ to ‘Hey! Can anyone find our pilots? What incredible progress. Absolute geniuses.”
Segun kenni retired U.S brigadier general Houston Cantwell, nga adda 400 nga oras ti combat flight experience, training ti piloto a dakkel a banag ken makatulong iti oras a kasapolan na ti bumaba iti daga babaen ti parachute.
