Plano ni US Secretary of State Marco Rubio ti sumarungkar sadiay Middle East kadagiti sumaganad a lawas.
Maangay daytoy kalpasan ti itatabunona iti Munich Security Conference inton Pebrero 14.
Sumagmamano kadagiti naikeddeng a sarungkaranna ket ti Israel, United Arab Emirates, Saudi Arabia ken sumagmamano pay a pagilian.
Immuna nga indepensana ti kinuna ni US President Donald Trump nga i-takeover da ti Gaza ken rumbeng a mapan dagiti Palestinian idiay Gaza iti kabangibang a pagilian.
Kas resultana, pinaregta met ni Rubio dagiti naapektaran a pagilian nga umasideg kadakuada ken mangipeksa kadagiti mabalin a solusion.
