Kinarit ni Vice President Sara Duterte ti Kamara nga imbestigaren met ti binilion a pisos a confidential fund ni Presidente Bongbong Marcos.
Segun ken ni VP Sara, no talaga a napasnek ti Kongreso a mangimbestiga iti kompidensial a pondo dagiti opisina ti gobierno kas tulong iti linteg, kinunana a rumbeng met a kitaenda dagiti kompidensial a pondo ti Office of the President.
Inlawlawag pay ni VP Sara a kinapudnona, naminduan a na-clear dagitoy babaen ti Commission on Audit kadagiti kompidensial a pondo ti Education Department.
Impasingked pay ni VP Sara a ti laeng COA ti addaan iti hurisdiksion a mangimbestigar kadagiti kompidensial a pondo ken saan a ti Kongreso.
Innayon ti bise presidente a saan a maipakaammo iti publiko ti linaon dagiti intelligence operations gapu ta agpeggad ti seguridad dagiti personnelda iti nasao nga operasion.
