LA UNION – Nagdesisyon ni Vice President Sara Duterte, a saan a dumar-ay iti impaayab nga imbestigasyon ti National Bureau of Investigation (NBI).
Adda pakainaiganna daytoy iti nagbalin a pangta na kenni President Ferdinand Marcos Jr, First Lady Liza ken House Speaker Martin Romualdez.
Segun iti Bise Presidente, binalakadan isuna ti abogado na a saan a dumar-ay iti isayangkat a panagdengngeg ti NBI inton bigat, Nobyembre 11.
Nupay kasta, inlawlawag na nga agaramid ti affidavit letter nga isumite da iti ahensiya.
Malaksid dayta, naigiddan ti nasao nga aldaw iti panangisaynagkat-da ti thanksgiving activities, kalpasanna, agluas nga agturong idiay Davao City tapno makitabon iti pimmusay nga uliteg na.
Immunan nga imbaga ni NBI Director Jaime Santiago nga ituloy da iti imbestigasyon nga uray saan a makadar-ay ti bise presidente.
