BR LA UNION – Kiniddaw ti kampo ni Vice President Sara Duterte idiay Korte Suprema nga ibasura iti motion for reconsideration (MR) nga indatag ti House of Representatives.
Ti nasao a mosyon ket indatag ti Kamara kalpasan a winaswas ti Korte Suprema iti articles of impeachment kontra iti bise presidente.
Maibasar iti 27-a-pinanid a komento, maibilang a lack of merit iti MR nga indatag ti House of Representatives.
Iti nasao nga MR ti Kamara, adda nakita a factual errors iti desisyon ti SC nga iti maikapat nga impeachment ket kumpleto kumpara kadagiti immuna a tallo.
Impaganetget ti Bise Presidente nga arigna aginbubulsek iti Kamara iti desisyon ti kangatuan nga ukom ken nalawag a maysa daytoy a diversion.
Maipalagip nga idi Hulyo, linapdan ti SC iti impeachment trial ti Senado gaputi panaglabsing iti probisyon a panangidatag ti nasur-surok ngem maysa a reklamo iti uneg ti maysa a tawen.
Idi Pebrero ket naidatag ti impeachment kenni VP Duterte idiay Kamara gaputi reklamo a graft, corruption ken assassination plot kontra kenni President Ferdinand Marcos Jr.
