Pinasingkedan ti Department of Migrant Workers (DMW) ti panagwayawaya ti gobierno ti Malaysia kadagiti walo nga Filipino seafarers.
Dagiti nasao nga seafarers ket tripulante ti MT Krishna a naarestar met gapo iti panaglabsing ti immigration laws ken naibalud sadiay Kota Tinggi, Malaysia.
Segun iti DMW, nangiruar ti desisyon ti Prosecutor’s Office idiay Johor a mawayawayaanen dagiti marino.
Nairuar ti nadakamat a desisyon kalpasan ti panagbisita ti DMW idi aldaw ti Biernes, Abril 18.
Kabayatanna, agsagsagana itan ti DMW kadwa ti Overseas Workers Welfare Administration idiay Kuala Lumpur para ti repatriation da nga agsubli ditoy Pilipinas.
Nakapatang metten ti ahensya dagiti kakabagian dagiti seafarers ken impasiguro da ti kinatalged dagitoy.
Maipalagip nga idi Abril 11 ket walo a Filipino seafarers ken 12 Indian crew members ti imbalud ti Royal Malaysian Police sadiay Kkota Tinggi Police District Headquarters idiay Johor.
Nakastrek dagitoy idiay Malaysia nga awanan kadagiti passports ken aniaman a legal nga dokumentos.
