Nakagun-od ti nagduduma a reaksyon ti nagbalin a waragawag ni US President Donald Trump a nakasagana na nga i-takeover ti Gaza Strip.
Kinuna ni United Nations Secretary Generals spokesperson Stephane Dujarric a daitoy nga waragawag ni Trump ket mangpapakar laeng ti sitwasyon.
Innayon na a napateg a sumurot lattan iti intuding ti international law ken liklikan ti aniaman nga klase ti ethnic cleansing.
Nagpakdaar pay ti United Nations Human Rights Office a ti pwersa a panangiyakar wenno panagpatalaw kadagiti tattao manipud iti okupado a teritorio ket maysa a panaglabsing ti international law.
Sigud metten a kinontra dagiti Palestinians, Egyptians, Jordanians at Saudi Arabs ti ibagbaga ni Trump nga adu kano iti umanamong ti singasing na maipanggep iti Gaza.
Inaramid ni Trump ti waragawag kalpasan ti panagtaripnong da idi binisita isuna ni Israeli Prime Minister Benjamin Netanyahu.
