LA UNION – Nagsinnungbat da Sen. Juan Miguel Zubiri ken Sen. Alan Cayetano iti panangtalantan ti resolusyon para kadagiti barangay ti Enlisted Men’s Barrio (EMBO).
Daytoy ket iti 10 EMBO barangay iti pagin-innagawan a teritoryo iti baetan ti Taguig City ken Makati City.
Maipalagip a pimmabor ti Korte Suprema iti Taguig, a balwarte ni Cayetano.
Kasaruno ti susik, nagdanag ni Cayetano nga awan ti legislative district dagiti umili iti masungad nga eleksyon isunga nangidatag ti Senate Concurrent Resolution 23.
Karaman iti Senate Concurrent Resolution 23 dagiti EMBO barangay iti legislative district ti Taguig ken Pateros.
Idi agangay, pinasingkedan ti Senado iti resolusyon.
Kinuna ni Zubiri, ti panagawat na iti sitwasyon ket maysa a baro a linteg iti maipas-pasa tapno makabukel ti maysa a distrito.
Adda iti opisina na idi naipaka-ammo kenkuana a madama ti deliberasyon iti dokumento para kadagiti barangay ti Embo.
Iti sesyon ti plenaryo, nagprotesta ni Zubiri a saan nga impaka-ammo dagiti senador ti nasap-sapa, a ti nasao a resolusyon ket naka-kalendaryon para iti sesyon ti plenaryo ti dayta a rabii.
Iti agdama,nagwaras ti video, a pakakitaan kadagiti dua a senador nga agsin-sinnungbat iti panawen ti pannaka-suspinde ti plenary proceedings.
Bimmallaet met da Senador JV Ejercito ken Pia Cayetano.
Iti udi, nagpinnalawag ken nag-kinnapya met laeng dagiti dua a senador.
