BR LA UNION – Kinaswan ti Philippine National Police (PNP) Criminal Investigation and Detection Group (CIDG) ni Cavite Representative Kiko Barzaga.
Segun kenni CIDG Director Maj. Gen. Robert Alexander Morico II, ti kaso a sedition ken inciting to rebellion ket naidatag idiay Quezon City Prosecutors Office gaputi panangidaulo na ti napasamak a riribok iti September 21 “Trillion Peso March”.
Saan metten a nangipaay ti dadduma a detalye ni Morico tapno saan a maapektaran ti imbestigasyon dagiti otoridad.
Iti social media post ni Barzaga, impakita na ti subpoena a dumar-ay daytoy a personal idiay Quezon City Prosecutors Office inton Nobyembre 17 ken 25 para iti preliminary investigation.
Maipalagip a namin-adu a daras a nagpost ni Barzaga iti social media account, nga ak-akusaranna ni President Ferdinand Marcos Jr. ti kurapsyon.
Isuna ti mapapati nga adda iti likod ti panagayab ti tattao a mangisayangkat ti protesta iti sangwanan ti Forbes Park idiay Makati City, a pakasarakan ti balay da Leyte Rep. Martin Romualdez ken nag-resign a ni Rep. Zaldy Co.
