BR LA UNION – Inwaragawag ni Senador Juan Miguel Zubiri a bigbigen na ti bagi na kas minority bloc ti Senado kagiddan iti agtultuloy a reorganization iti Nangato a Pagpandayan Linteg ti Kongreso.
Segun kenni Zubiri, nagdesisyon nga ag-abstain iti immuna a binnotosan tapno maaddaan ti nawaya a panagdesisyon kadagiti napapateg nga isyu para kadagiti umili.
Kabayatanna, imbaga met ni Senador JV Ejercito nga agtalinaed nga independent idiay Senado nupay nagyaman iti talek nga impakita ti liderato ti senado.
Kinuna met ni Ejercito a nupay maysa a nabileg a posisyon idiay senado ti majority leader, ngem kay-kayatna ti agbalin nga independent.
Segun iti presiding officer, ires-respeto ti Senado iti desisyon tunggal senador nu sumurot iti majority, minority wenno agtalinaed nga independent.
Iti nasao a sesyon, natalantan ti isyu iti proportional representation iti committee membership, kabilang iti komposisyon ti Senate Committee on Rule ken ex-officio member daytoy.
