LA UNION – Dead on arrival idiay ospital ti maysa a motorcycle rider, kabayatan a nasugatan ti kalubbunna kalpasan a dimmungpar iti puon ti narra ti luganda idiay Barangay Say-oan, ili ti Bacnotan, La Union.
Nabigbig ti natay a si Raymar Licudan, 20; ken ti nadakamat a kalubbonna a ni Leonard Vince Calub, agpada nga agnanaed idiay Barangay San Martin iti nadakamat nga ili.
Base ti imbestigasyon iti Bacnotan Police, posible a napartak ititaray ti nasao a motorsiklo isu a dimmungpar daytoy iti maysa a puon ti narra iti igid ti kalsada ken natinnag pay dagiti biktima iti rangkis.
Dagus nga inturong iti rescuers dagiti biktima idiay Bacnotan District Hospital ngem nauyos ti biag ni Licudan gapu iti nakaro ti sinaggrapna a sugat iti bagi.
