LA UNION – Dead on arrival idiay ospital ti maysa a 38-anyos a misis kalpasan a malmes daytoy iti dam a masarakan idiay Barangay Poblacion East, ili ti Rosario, La Union.
Nabigbig ti biktima a ni Maribel Mabalot, residente ti nasao a barangay.
Naammuan ti Bombo Radyo manipud iti Rosario Police, maipagarup a naikaglis ti biktima kabayatan a bumalballasiw daytoy iti karayan ken inyanod iti danum agingga a naiturong iti nauneg a paset ti dam.
Ginandat pay iti maysa a residente nga isalakan ti biktima ngem napaay daytoy.
Nasarakan met dagiti rescuers ti bitkima idiay paset ti Barangay Bacani, Rosario ngem awanen.
