LA UNION – Sumangsango iti kaso a panaglabsing ti Comprehensive on Dangerous Drugs Act ti maysa a baro a natiliw gapu iti maipagarup a panaglakona iti droga idiay Barangay Rimos 1, ili ti Luna, La Union.
Nabigbig ti suspek a ni Jomel Corpuz, 19, resindente iti Barangay Pila ti nasao nga ili.
Naammuan ti Bombo Radyo manipud iti Luna Police Station, nakompiskar manipud iti ikot ti suspek iti dua a sachet a naglaon iti maatap a marijuana ken ti P100 bill a buy bust money.
Agtaltalinaed iti pagbaludan ti pulisya ti suspek kabayatan a maur-uray iti resolusyon nga aggapu ti piskalya.
