AGOO, La Union – Sumangsango iti kaso a panaglabsing ti Comprehensive Dangerous Drugs Act ti maysa a mister a maipagarup a naglako iti droga idiay Barangay San Julian Norte, ili ti Agoo, La Union.
Nabigbig ti suspek a ni Oliver Panis, 38, residente iti Barangay Sta. Rita East ti nasao nga ili.
Naammuan iti Bombo Radyo manipud iti Agoo Police, babaen ti buy bust operation ket nakompiskar manipud ti suspek iti uppat a sachet a naglaon iti maatap a marijuana ken marked money.
Kabayatanna, agtaltalinaed iti salwad ti pulisya ti suspek kabayatan a maur-uray iti pagbanagan ti naidatag a reklamo kontra kenkuana idiay piskalya.
