BR LA UNION – Maladingitan unay ni Swedish King Carl XVI Gustaf iti napasamak a pammaltog iti maysa nga eskuwelaan a nakatayan ti 10 a tattao.
Naklaat laengen dagiti estudiyante ken manursuro iti eskuelaan a masarakan idiay Orebro, Sweden.
Nasarakan amin dagiti natay iti uneg ti pasdek ti pagadalan.
Patienda nga agmaymaysa ti suspek iti nadakamat nga insidente.
Saan met nga ibilang dagiti pulis a maysa a klase ti terorismo ti nadakamat nga insidente.
Patienda pay a mabalin a maysa ti suspek kadagiti biktima, isunga agtultuloy ti panangala da ti pakabigbigan dagitoy.
Ibilang ni Prime Minister Ulf Kristersson a daytoy ti kadaraan a pammaltog ti eskuelaan iti nasao a pagilian.
