BR LA UNION – Kaswan ti Presidential Anti-Organized Crime Commission (PAOCC) iti aganay 117 a tattao a naaresto iti insayangkat da a raid iti sumagmamano a lending company idiay Makati City.
Naipadamag iti PAOCC dagiti abusado a pamay-an ti panagkolekta dagiti agpapautang a kompanya kadagiti kliyente wenno umut-utang.
Kabilang iti ar-aramiden da a panang-harass usar dagiti contact list ti nakautang ken dadduma pay.
Maipagarop a mangipatpataw da pay ti hidden fees a saan a maipak-pakaamo ken mailaw-lawag kadagiti kliyente.
Kabinnulig ti Presidential Anti-Organized Crime Commission iti operasyon ken imbestigasyon iti National Bureau of Investigation (NBI) ken Securities and Exchange Commission (SEC).
Kinuna ni Anti-Organized Crime Commission executive director Undersecretary Gilbert Cruz, iti umuna a sapolen dagiti lending app ket contact ken photo gallery ti maysa a loan applicant.
Kinuna na nga uray saan a nabayadan ti maysa a loan, maysa pay a lending app iti mangidiaya ti loan tapno bayadan iti adda pay laeng nga obligasyon agingga a magaburan ti utang iti kliyente.
Awan pay kadagiti akinkukua dagiti lending app iti naaresto.
Isunga dagiti empleyado, a mangilib-libak nga adda mapaspasamak a panang- harass kadagiti kliyente, iti maidatagan ti kaso, a pakairamanan ti harassment ken grave threats.
Segun iti Presidential Anti-Organized Crime Commission ken National Bureau of Investigation, kit-kitaen da iti posible a koneksyon iti baetan ti lending app companies ken POGO operations.
