LA UNION – Balligi a nabakunaan idi kalman ti aganay 120 tourism frontliners idiay San Juan, La Union.
Naisayangkat ti panagbakuna iti covered court ti Brgy. Urbiztondo, San Juan kagiddan iti pannakaiyuswat ti Vaccination Program for Tourism Establishment Frontliners nga indauluan ti provincial govt of la union kabinnulig iti Department of Tourism Region 1, Department of Health (Philippines) Region 1, San Juan LGU, konseho ti Barangay Urbiztondo ken San Juan Resort Restaurant and Hotel Association.
Dagiti naitudok a bakuna ket indonar wenno naggapo mismo kadagiti pagpapaayan da nga establisimento, restaurants and accomodation establishments idiay San Juan, a nabirngasan a Surfing Capital of the North.
Umuna laeng daytoy nga aldaw ti panagbakuna kadagiti tourism frontliners agsipudta namnamaen pay ti sumaruno a ganwat para kadagiti dadduma pay a tourism workers, iti tarigagay a maikkan dagitoy ti naan-anay a proteksiyon kontra Covid-19 kagiddan ti panaglukat iti sektor ti turismo ditoy probinsya.
Iti nasao nga addang ket panangipakita ti suporta iti tarigagay ti gobyerno probinsiyal a magun-od ti 70% a herd immunity.
Napalaos met ti panagyaman dagiti tourism frontliners iti pannakabakuna kadagitoy.
