LA UNION – Nagbanag a liday iti naragsak koma a panagdidigos iti karayan iti maysa a pamilya kalpasan a nalmes ken natay iti 14-anyos a balasitang.
Napasamak ti insidente agarop alas 10:00 ti bigat idi kalman, June 28, iti karayan idiay Brgy. Garcia, Tubao, La Union.
Iti biktima ket managan Rowena Tubera, residente ti Brgy. Macalva Norte, Agoo, La Union.
Base iti nakalap nga impormasyon ti Bombo Radyo manipud Tubao Police Station, posible a nakadanon iti biktima iti adalem a paset ti karayan, a puon ti nakalmesan daytoy.
Nagpaarayat iti biktima ngem napaay dagiti cabagyan na nga isalbar daytoy.
Nagresponde met dagiti otoridad ket inturong da pay ti biktima idiay RHU Tubao tapno i-revive ngem naideklara a natayen daytoy.
