LA UNION – Naidataganen iti panaglabsing iti RA 9165 wenno Comprehensive Dangerous Drugs Act of 2002 ti maysa a 16-anyos a barito kalpasana a natiliw iti naisayangkat a search operation sa Brgy. Central West No. 1, Bangar, La Union.
Daytoy ket kalpasan a nakumpiskar iti ikutna ti 12 sachet ti marijuana ken dadduma pay a drug paraphernalia.
Segun iti Philippine Drug Enforcement Agency (PDEA), nabayagen a karaman iti target watchlist-da kas pusher ti nasao a barito.
Iti agdama, tengngelen dagiti otoridad ti suspek ngem agtultuloy a maim-imbestigaran.
