BR LA UNION – Dua a mapapati a babbai ti natay iti narpoog nga Aeon shopping mall kalpasan ti magnitude 7.1 a gingined a timmama idiay Kumamoto Prefecture idiay Japan idi kalman.
Immuna ti daytoy, kinumpirma ni Japanese Prime Minister Sanae Takaichi nga adda nasurok 50 a tattao iti nadun-dunor gaputi timmama a gingined.
Kinuna na nga agtultuloy a makomikom dagiti nai-deploy a rescue team tapno isalbar ti dadduma pay a tattao a posible a nagaburan iti narsuod a shopping center.
Innayonna pay, nga adda iti sumagmamano a kalsada ken pasdek ti nadadael gapu iti ginggined.
Awan ti naipadamag a pannakadadael iti Sendai nuclear power plant a masarakan iti asideg ti sentro ti ginggined ken maibasar iti patta-patta ti International Atomic Energy Agency, agtaltalinaed nga intact iti nasao a power plant.
Nangipaulog ti Japan Meteorological Agency iti tsunami alert kalpasan ti magnitude 7.1 a ginggined idiay isla ti Kyushu.
Timmama ti ginggined agarup alas 3:27 ti malem (Oras ditoy Pilipinas).
Maipalagip nga idi Hunyo 25 ket dinayyeg manen ti Japan iti magnitude 7.2 a gingined ngem awan ti nailista a natay wenno damyus.
