LA UNION – Pormalen nga indeklara ti Malacañang kas special non-working day ti Marso 2, 2017 iti entero a probinsia ti La Union.

Maibasar iti Executive Order 153 a pinirmaan ni Acting Executive Secretary Menardo Guevarra, indeklarada kas holiday ti March 2 tapno makipagpartisipar dagiti umili ti probinsia para iti pannakarambak ti maika-167 a founding anniversary ti La Union.

Kagiddan daytoy, impakaammo ni Adamor Dagang, provincial information and tourism officer, a nakasaganan dagiti naduma-duma nga aktibidad kagiddan ti provincial anniversary.

Karaman dagitoy ket ti Walk For Love, Love Your Pet, jobs fair ken ti dadduma pay.

Inawisna met dagiti umili ti La Union a makipaset iti naduma-duma nga aktibidad para iti probinsia.