BR LA UNION – Natiliw ti maysa a 21-anyos nga indibiduwal, maibilang nga street level individual manipud Barangay Legleg, San Juan, La Union iti naisayangkat nga anti-drug buy bust operation iti nagtipon a puwersa dagiti otoridad nga indauluan ti San Juan Police Station.
Naala manipud ikot ti suspek dagiti sumaganad: maysa gramo a maatap a shabu, aggatad iti 6,800 pesos ken uppat a heat sealed transparent plastic sachet.
Narekober pay kenkuana dagiti non-drug evidences kas iti duwa piraso a one thousand peso bill nagserbi a boodle money, maysa a floral designed pouch, maysa a unit ti android phone,ken maysa a motorized tricycle.
Kalpasan iti operasyon naipasidong ti inventory dagiti naala manipud ikot ti suspek babaen ti imatang dagiti mandatory witnesses pakaibilangan iti elected barangay official, kameng ti media ken ti Department of Justice.
Kalpasan iti operasyon naiturong ti suspek idiay Bacnotan District Hospital para iti medical examination, kalpasan na naiturong met laeng ti San Juan Police Station para iti naan-anay nga disposisyon.
Maidatagan ti suspek ti kaso a panaglabsing ti Presidential Decree 9165 wenno Comprehensive Dangerous Drugs Act of 2002.
