LA UNION – Nakaswanen ti robbery with homicide iti tallo nga agkakapatid a nang-hold-up ken nakapatay idi parbangon ti Sabado (September 14) iti maysa a karinderya ken refreshment store idiay Brgy. San Roque, ili ti Kitcharao, Agusan del Norte.
Maibasar iti report, napatay dagiti suspek ti managan Ginalyn Apolinario bayat a nasugatan ti anak na a ni Evangeline Apolinario ken ti akinkukua ti pagtagilakwan a ni Brgy. Kapitan Salvador Junio.
Iti eksklusibo nga interview ti Bombo Radyo Butuan, kinuna ni Police Staff Sergent Rex Salino a kalpasan iti inaramid a krimen dagiti agkakabsat, nga isuda Raymond Dadong (33y/o), Reynaldo Dadong (20y/o), ken Roland Dadong (29y/o), tubo idiay Jabonga, Agusan del Norte ngem agnanaed da itan iti Brgy. Cawilan, Tubod, Surigao del Norte, naki-koordinar da a dagus iti Surigao del Norte Police Provincial Office a nangpa-alerto iti amin a municipal police units.
Dagus a naipasa kadagiti police units ti CCTV footage a naala iti crime scene ket narupaan da ti maysa kadagiti mang-ngibrong ken nasapolan ti pulisya iti lugar dagiti persons of interest.
Nadanon dagiti otoridad dagiti agkakabsat a suspek nga agvi-videoke ken saan pay nga inussob ti maysa kadagiti suspek ti jacket na a nakita iti footage a dara-dara, ket dagus dagitoy a naaresto.
Kinumpiskar ti PNP manipud iti posesyon dagiti suspek iti maysa a COLT MK14, Magnum 357 revolver, ken maysa a nangisit a motorsiklo nga inusar dagiti suspek iti panangipatungpal da ti krimen.
