BR LA UNION – Nagsagaba ti bagsol iti bukot ti maysa a 17-anyos a barito kalpasan a kinan-tiyawanna a ‘nabangsit’ iti suspek.
Napasamak ti insidente iti uneg ti maysa nga internet cafe idiay General Santos City.
Makita iti CCTV footage a nakatugaw ti dua a lallaki iti uneg ti internet cafe, idi immasideg ti tallo a lallaki ken inabayan ti suspek iti biktima a naka-imet ti patadem.
Pagamwan, timmakder iti suspek ket binagsol na iti likod ti biktima a nakaktugaw.
Segun iti pulisiya, a maibasar iti salaysay dagiti nakaimatang, binagsol ti suspek iti biktima gapu iti panangibaga na a nabangsit daytoy.
Dagus a naiturong ti biktima iti ospital idinto a ti suspek ket simmuko kadagiti otoridad agraman ti inusar na a patadem.
Gaputa menor de edad, naipasidong ti suspek iti Bahay-Pagasa ti Department of Social Welfare and Development Office (DSWD).
