LA UNION – Naipaayan ti baro a sapatos dagiti 38 a Barangay Tanods manipud kadagiti lima a barangay idiay ili ti Bangar, La Union.
Daytoy ket babaen iti inisiatiba ti Bangar Municipal Police Station a PROJECT YAPPAKK wenno Yaman ken Ayat ti PNP Agpaay ti Kakadwa para ti Kapia, kadua ti NAPOLCOM Region 1.
Personal a proyekto daytoy ni Pmaj. Clinton Amawan, Officer-in-Charge ti Bangar MPS, nga addaan panggep a bigbigen ken suportaran dagiti Barangay Tanods kas kangrunaan a katinnulong ti PNP iti panangpatalinaed ti kinatalna, kinaurnos, ken kinatalged ti publiko iti komunidad.
Ti pakabuklan ket dumanon ti 227 Barangay Tanods manipud kadagiti nadumaduma nga ili ti probinsya a La Union iti naparaburan babaen ti programa – maysa a pammaneknek ti agtultuloy a panangisakit ken panangbigbig iti napateg nga akem kas “silent guardians” dagiti barangay.###
