Impaganetget ni House Speaker Faustino “Bojie” Dy III iti kinapateg ti napartak a panangipasa ti Magna Carta para kadagiti barangay tapno maipaayan ti umdas a proteksion ken suporta dagiti opisial nga ibilangna kas “pudno a frontliners” ti gobierno.
Iti panagdengngeg ti House Committee on Local Government idi Huebes, inlungalong ni Dy ti House Bill No. 3533.
Panggep ti singasing nga ingato iti lebel ti sueldo ken benepisio dagiti Kapitan, Kagawad, SK officials, ken dadduma pay nga staff ti barangay.
Kenuna ni Speaker Dy a kas sigud a Barangay Captain, Mayor, ken Gobernador, dagiti opisial ti Barangay iti umuna nga as-asekgan ti umili iti panawen ti krisis ken agserbi a kadua iti pannakaipatungpal ti linteg ken kinatalna.
Malaksid iti kanayunan a sueldo, panggep met ti Magna Carta a masigurado a maaddaan ti naurnos a barangay hall ken health centers ti tunggal komunidad.
Agtalek ti Speaker nga agabante iti singasing iti 20th Congress para iti pagimbagan dagiti lokal a lider iti sidong ti bision ti Bagong Pilipinas.###
