Maipagarop a nangted ti donasyon a kuwarta iti maysa a siyudad ditoy Pilipinas ken lugan iti dua a police forces dagiti 4 a Chinese nationals, a naarestar ditoy pagilian gaputi maipagarop a panag-ispiya idi Enero ken maipagarop a konektado iti Chinese Communist Party (CPP)-affiliated groups, maibasar iti report manipud international news agency a (Reuters).
Immunan nga impadamag ti National Bureau of Investigation (NBI) a dagiti 4 a naaresto a Chinese nga isuda Wang Yongyi, Wu Junren, Cai Shaohuang, ken Chen Haitao ket nakaswan ti espionage kalpasan a nagpatayab dagitoy ti drone tapno makakalap iti ladawan ti Philippine Naval forces asideg iti disputed waters.
Nadiskubre manipud iti cellphone da iti ladawan ken mapa dagiti sensitibo a sites.
Maibasar iti report, dagiti akusado ket maipagarop a lider ti civic groups nga imat-matunan ti foreign influence network ti Chinese Communist Party.
Dagiti nasao a grupo ket maipagarop a nangipaay iti donasyon idiay siyudad ti Tarlac ken iti police forces ti nasao a siyudad, motorbikes iti Manila police babaen ti Chinese-backed groups idi 2022, ngem saan a nalawag iti motibo da ti panangipaay kadagiti nasao a donasyon.
Nadakamat pay iti report, a ti Tarlac ket pagtaengan iti kangrunaan a base militar kabilang iti maysa nga us-usaren ti Pilipinas ken US para iti live-fire exercises iti tinawen a military drills, nupay dagiti ladawan ti base militar iti nasao a lugar ket saan a kabilang iti sites a nadiskubre ti NBI manipud iti devices dagiti nakemmeg a Chinese.
Kabayatanna, maibasar iti report, maipagarop a naki-sinnarak pay dagiti nasao a Chinese spies kenni Chinese military attaché in Manila Senior Col. Li Jianzhong, ti naminsan a daras, sumagmamano a lawas sakbay a naaresto dagitoy.
Nakisinnarak pay dagiti tallo nga isuda Wang, Wu ken Ci iti Chinese attache ti namitlo a daras idi 2024 kabilang idi Mayo a naluktan iti opisina ti civic groups idiay Manila.
Dagiti nasao a detalye ket saan pay a naireport manipud iti waragawag dagiti imbestigador ditoy Pilipinas, nupay immunan nga inladawan ti NBI a dagiti naaresto a Chinese ket maipagarop nga agpam-pammarang nga harmless members ti lehitimo nga organisasyon bayat a mangisay-sayangkat da ti surveillance.
