BR LA UNION – Pagdan-danagan dagiti otoridad idiay US nga awan ti nakalasat ken natay amin dagiti 67 a tattao, kalpasan a nagdinnungpar ti US Army UH-60 Black Hawk ken CRJ-700 American Airlines flight 5342.
Agtultuloy ti panangsapol ti Federal Aviation Administration iti cockpit voice recorder/ flight data recorder wenno nalatak a black boxes ti eroplano ken helicopter idiay Potomac River .
Gaputi insidente ket kinansela ti American Airlines iti dua a flights na idiay Wichita, Kansas ken Washington DC.
Pakabuklan nga 64 a tattao ti nakalugan iti eroplano bayat a tallo a suldado ti nakalugan iti helicopter.
