Maysa a resurgent drug personality ti inarestar dagiti operatiba manipud Philippine Drug Enforcement Agency – Ilocos Sur Provincial Office (PDEA-ISPO), Vigan City Police Station, ken Police Regional Office I-Regional Intelligence Division (PRO I – RID) babaen ti naisayangkat a buy-bust operation idiay Vigan City, Ilocos Sur.
Segun kenni PDEA RO 1 Regional Director, Director III Joel B Plaza, ti suspek ket mabigbig kas alias Jef-jef, maysa a target listed drug personality, 39-anyos, ken residente ti nasao nga ciudad. Naarestar isuna ti agarop alas-1:09 ti malem ita nga aldaw, Abril 7, 2025.
Ni alias Jef-jef ket addaanen ti sigud nga arrest record idi Disyembre 29, 2013 ken naibaluden ti pito a tawen sakbay a nawaya-wayaan babaen ti Plea Bargaining Agreement.
Kabayatanna, nakumpiskar manipud iti operasyon dagiti lima pidaso iti heat-sealed transparent plastic sachet ti shabu, agdagsen ti nasurok-kumurang nga 11 a gram, aggatad ti P74,800, maysa a tricycle, dua nga mobile phones, identification cards, dua nga pidaso ti papel, motorcycle OR/CR, tulbek, ken ti buy-bust money.
Mapilaan ti suspek ti panaglabsing ti Section 5 (Sale of Dangerous Drugs), ken Section 11 (Possession of Dangerous Drugs), Article II iti RA 9165 wenno ti Comprehensive Dangerous Dugs Act of 2002 a nakadetene itan sadiay Vigan City Police Station. # # #
