LA UNION – Addan ti pakabuklan a bilang a 67,743 dagiti nagparehistro a botante ditoy syudad ti San Fernando, La Union as of July 19, 2021 para iti mapaspasungadan a May 2022 local and national elections.
Mainaig ti daytoy ket impalagip ti Commission on Elections (COMELEC) a silulukat ti opisina da para kadagiti agtarigagay pay nga agparehistro, manipud alas 8:00 ti agsapa agingga alas 7:00 ti rabii, manipud Lunes agingga Biyernes.
Impaganetget ti Comelec a saanen a ma-extend wenno mapawaywayan pay ti naituding a deadline iti voter’s registration a September 30, 2021.
Innayon pay ti Comelec a nalpasan iti panangisayangkat da iti satellite wenno off-site voters registration kadagiti barangay, isunga iti laengen Comelec office ditoy syudad iti mabalin a pagpa-rehistruan dagiti kuwalipikado a botante, mangrugi kadagiti agtawen ti 18 nga agkasangay on or before May 9, 2022 nga agpangato.
