BR LA UNION – Inyanunsiyo ti state weather bureau a mabalin nga agleppasen iti Amihan season iti first half ti bulan ti Marso.
Inlawlawag ni weather specialist Joey Figuracion, iti nasao a period iti panagrugi metten ti panagbaliw ti klima manipud nalammiis ken namaga wenno tiyempo ti kalgaw agturong iti hot and dry season wenno nabara a panawen.
Iti dry season ket nabingay ti 2 phase.
Iti nalammiis ken namaga a panawen ket manipud Disyembre agingga Pebrero bayat a ti hot and dry season ket mapasaran manipud Marso agingga Mayo.
Kagiddan iti panagbaliw ti klima, in-inut a mapasaran iti nabar-bara a temperatura nga isu metten iti rugi ti hot and dry season.
Maigiddan daytoy ti panagbaliw iti pattern ti angin manipud northeasterly agturong iti easterly winds ken panagngato ti temperatura.
Namnamaen nga iti sumaganad a bulan, makapadas ti pagilian ti mas nadagaang ken namaga nga aldaw, ngem posible latta dagiti isolated thunderstorms ti malem wenno rabii.
Maipalagip nga idi napalabas a tawen, opisyal nga indeklara ti state weather bureau iti panagleppas ti amihan season ken panagrugi ti hot and dry season idi Marso 22.
