BR LA UNION – Inyanunsiyo ti Department of Agriculture (DA) a maibaba iti maximum suggested retail price (MSRP) dagiti imported rice mangrugi inton Sabado, Marso 1.
Iti maysa nga statement, imbaga ni DA Sec. Francisco Laurel Jr. nga ibaba da iti P49 kada kilo ti MSRP dagiti inangkat a bagas a kaunaan a gundaway sipud naipatungpal ti MSRP.
Inlawlawag ti sekretaryo a saan a maipatungpal ti nasao nga MSRP iti intero a pagilian.
Kinuna na a maipatungpal iti surgical approach babaen ti panang-implementar ti mas nababa nga MSRP kadagiti napili a lugar idiay Metro Manila, key cities ken dadduma pay nga urban centers.
Kinuna pay ti sekretaryo nga adu kadagiti lugar iti probinsiya ti nakitaan ti mas nababa a presyo ti imported rice kumpara iti MSRP.
Nairanta iti ipatungpal nga MSRP iti imported rice a makontrol iti retail prices dagiti inangkat a bagas tapno makasurot iti steady a panagbaba ti presyo iti sangalubongan a merkado ken iti desisyon ni President Ferdinand Marcos Jr. a kissayan iti taripa kadagiti imported rice iti 15% manipud iti agdama a 35% .
