Nasaknap a panaglayos ti mapadpadasan ita ti Agusan del Sur gapo iti agtultuloy a panagtudo.
Partikular a pinalned ti layos ket ti Brgy. Sabang Gibung, nu sadino adu a residente ti napilitan nga agbakwit.
Adu metlaeng a babbalay ti sinerrek ti danom kasta a nadadael iti dadduma gapo iti napigsa nga agos.
Adu kadagiti pamilya ket napilitan a makinaed kadagiti kakabagian da nga adda iti nangangato a lugar para metten iti kinatalged ti amin.
Agtultuloy ti tarigagay dagiti otoridad ken volunteers a mangipadanon ti tulong kadagiti apektado nga umili.
Laksid ti nakaro a panagtudo ken panaglayos, inlawlawag met ti state weather bureau nga awan ti mabukbukel a bagyo ditoy uneg ti Philippine area of responsibility (PAR).
