BR LA UNION – Nakatuding a sumango iti umuna a gundaway iti International Criminal Court ita nga aldaw ni sigud a Presidente Rodrigo Duterte.
Segun iti ICC, maaramid ti panagdar-ay ti sigud a presidente iti oras alas 9:00 P.M. ita nga aldaw ti Biyernes, Marso 14, oras ditoy Pilipinas.
Maibasar iti patakaran ti ICC nga iti umuna a gundaway ket kumpirmaren da ti kinasiasino ken ti lengguahe a mausar iti hearing sakbay da nga ituding ti sumaruno nga iskedyul ti hearing.
Maipalagip a sumangsango ti sigud a presidente iti kaso a crimes against humanity gapu iti nadara a kampanya kontra iti illegal a droga.
