BR LA UNION – Pakabuklan a 11 nga armas wenno naduma-duma a klase ti paltog iti boluntaryo nga insuko dagiti indibiduwal manipud naduma-duma nga ili ditoy probinsiya ti La Union.
Ti nasao a serye wenno nagsasaruno a panangisuko kadagiti loose firearms ket paset pay laeng ti kampanya dagiti otoridad kontra kadagiti kolorum a paltog ken maparmek dagiti makunkuna nga illegal firearms, a posible a mausar iti daytoy panawen ti eleksiyon.
Dagiti naisuko nga armas a nagpason ken asidegen nga agpaso ket dagiti sumaganad:
- Improvised short firearm – Burgos La Union
- Caliber 22 – San Gabriel, La Union
- Caliber 22 – Sudipen, La Union
- Caliber 45 pistol nga agpaso ti registration na inton October 9, 2025 – San Juan, La Union (serial# P200521)
- Improvised shotgun (sumpak) – San Juan, La Union
- Caliber 22 (serial # 179363) a nabayagen a nagpaso ti registration na idi pay March 1, 1999 – Luna La Union
- Homemade shotgun ( paltik) – Rosario, La Union
- Colt .45 pistol (serial #1406337) – Bacnotan, La Union
- Caliber 38 revolver – San Fernando City, La Union
- Homemade buckshot- Santol, La Union
- Rifle grenade (AVA 0067-89 markings) ken 40mm ammunition – Santol, La Union
Iti kampanya dagiti otoridad kontra loose firearms ket tapno masiguro nga agbalin a nakapya ken natalged kabayatan iti kampanya agingga iti eleksiyon inton Mayo.
Maipalagip a nangrugi a maipatungpal ti gun ban iti intero a pagilian idi Enero 12, kagiddan ti panagrugi ti election period para iti 2025 Midterm Elections inton Mayo 12.
Tunggal election period ket maipatpatungpal ti gun ban tapno masiguro a nakapya ken natalged ti kampanya dagiti kandidato.
