Inbinglay ni sigud nga executive secretary Salvador Medialdea ti nagbalin a panagbisita na kenni sigud a presidente Rodrigo Roa Duterte nga adda ita iti kustodiya ti International Criminal Court.
Kinuna ni Medialdea, tumaktakder kas abogado ti sigud a presidente, a mail-iliwen ti kliyente na iti lutong Pilipino kas iti tuyo, munggo ken pritong saging.
Nagbalin a napintas ti kasasaad ti sigud a presidente ken nagkiddaw daitoy ti agtultuloy a panagkararag.
Kabayatanna, naikkan laeng ni Medialdea ti maysa oras nga inaldaw tapno bisitaen ni FPRRD.
