Mamati ni House Speaker Martin Romualdez a nagbunga dagiti impatungpal a polisiya ti administrasyo ni Marcos tapno labanan ti implasyon ti Pilipinas.
Kasaruno daitoy ti panagbaba ti inflation rate iti 1.8% idi bulan ti Marso.
Segun kenni Speaker Romualdez, marikriknan ti impatungpal nga intervention ti gobierno kas iti panagtapyas iti taripa kadagiti imported nga bigas ken ti panangituding ti maximum retail prices ti bigas ken dadduma pay a taraon.
Nangipeksa met ti kinaragsak ti Speaker para kadagiti umili, nangruna ta iti panagbuntog ti implasyon ket pakaibatugan ti pannakapalag-an ti agraraira a problema da ti pinansyal nga aspeto.
Patien ni Romualdez a ti panagbaba ti presyo ti bigas ket nagserbi met kas kangrunaan a rason ti inflation.
Kasaruno daitoy ket mangnamnama isuna nga agtalinaed a nababbaba pay ngem 2% ti inflation rate ken ti agtultuloy a problema ken karit mainaig ti presyo dagiti taraon.
Nagpanawagan ti Speaker iti gobierno a saganaan ti panawen kas iti panagtutudo a kadawyan iti mailislista ti panagngato dagiti presyo ti magagatang.
Impasiguro na ti tulong ti Kamara iti executive branch babaen kadagiti legislative measures ken panangaramat ti oversight power da.
