Babaen ti nagbinnulig a panggep para iti panagipasiguro ti kinatalged ken pakaseknan dagiti biaheros ita nga Semana Santa, nangiyuswat dagiti kameng ti Philippine Drug Enforcement Agency – Regional Office I (PDEA RO I), Land Transportation Office – Region I (LTO R1), Ilocos Norte Police Provincial Office, ken Department of Health – Region I (DOH R1) iti surprise K9 sweeping ken random drug testing operation kadagiti Bus Terminals idiay Laoag City idi kallabes nga aldaw.
Impaganetget ni PDEA Regional Director, Director III Joel B. Plaza, a ti inisyatiba ket paset iti Oplan: Biyaheng Ayos 2025, a nakapamaysa iti panangpasigurado ti kinatalged dagiti pasahero nga agturong kadagiti probinsya para ita nga Nasantuan a Lawas kasta met a lapdan ti pannakaibiahe dagiti ilegal a droga ita nga kaad-adwan dagiti tattao.
Insayangkat dagiti operatiba ti K9 Sweeping kadagiti kargamentos ken bagahe, panangibinglay Information, Education, and Communication (IEC) materials, kasta met iti random drug tests kadagiti drivers ken conductor dagiti nagduduma a Bus Terminals.
Pakabuklan a 106 nga indibidwal ti naipasidong ti eksamin iti daitoy nga operasoyn: pakairamanan dagiti sumaganad:
• 44 bus drivers
• 29 bus conductors
• 27 public utility jeepney (PUJ) drivers
• 6 tricycle driversIti a bulan, dua iti nagpositibo ti methamphetamine hydrochloride wenno shabu – maysa driver ken maysa a conductor. Maipasidong dagitoy ti re-screening ken confirmatory testing babaen met ti DOH Treatment and Rehabilitation Center for a Drug Dependency Examination (DDE).
Kabayatanna, makaammo metten ti LTO para iti maiyannatop nga addang maipapan kadagiti lisensya dagiti natiliw.
Daitoy a kolaborasyon ket pammaneknek iti agtultuloy a tarigagay ti gobierno a siguraduen ti kinatalged iti publiko, nangruna ita nga nadagsen ti bilang dagiti pasahero.
