Nagpalagip ni House Speaker Martin Romualdez kadagiti Filipino nga iti panagungar ni Kristo wenno Easter Sunday ket maipapan iti namnama ken panagballigi iti kinapanglaw.
Segun kenkuana, makitkita iti kinapudno a sumarsaming iti biag dagiti tao iti laksid dagiti rigat ken kinadagsen, agtaltalinaed nga natibker daitoy ken agtultuloy nga ipakpakita iti kinasimpet ken managtulog.
Adda met mensahe ni Speaker Romualdez para kadagiti adda iti posision.
Kinunana pay, iti pudno a serbisio ket saan a maipatarus babaen iti titulo wenno bileg, no di ket babaen ti abilidad nga agdengngeg, agtignay a buyogen ti pannakipagrikna, ken ikabil kadagiti pagkasapulan ti sabsabali imbes a personal nga interes. Babaen ti naulimek a trabaho, naan-anay nga maipatungpa iti espiritu ti serbisio publiko.
Segun kenni Speaker Romualdez, bay-an iti sagrado nga aldaw a mangbalbaliw kadagiti tattao.
Tarigagayna nga umabante iti amin, saan laeng a buyogen ti namnama, no di ket naun-uneg a rikna ti responsabilidad nga tarakenen iti maysa ken maysa ken mangbangon iti maisa a pagilian nga mangitag-ay iti tunggal biag ken awan iti mabatbati.#
