Panggep ti Department of Agriculture (DA) a ti panangilako ti P20 pesos kada kilo a bigas ket maiyemplementar agingga 2028.
Daitoy ket kasaruno ti direktiba manipud mismo kenni Presidente Ferdinand Marcos Jr. iti ahensya a aramiden a long-term iti panangilako kadagiti nalaka a bigas.
Segun kenni Agriculture Secretary Francisco Tiu Laurel Jr., ti inisyal a plano ket agingga Disyembre iti daitoy a tawen ken nu epektibo ket mabalin da pay a mapawaywayan nga agingga Pebrero inton sumaruno a tawen.
Kinuna ni Laurel a napagtulaganen iti panagtaripnong ita nga aldaw a kadwa ti Presidente ti 10 a kilo ti bigas tunggal lawas ti mabalin a magatang dagiti taga-Visayas wenno binulan a 40 a kilo.
Nadesisyonan pay nga idiay Visayas a maipatungpal ti pilot implementation iti programa agsipud ta ad-adu dagiti agkasapulan sadiay ti nalaka a bigas.
Innayon ti sekretaryo a kamaudiananna ket intero a pagilian ton ti implementasyon daitoy a plano.
Impasiguro met ni Laurel nga addaan da ti umdas a stocks wenno nakapenpen a bigas para ti Visayas region.
Iti agdama ket adda pakabuklan a 358,000 tonelada ti bigas iti nakapenpen kadagiti nagduduma a warehousesditoy Pilipinas a kasapulan metten kunana a maibunong agsipud ta umadani manen ti panawen ti panag-aapit.
