PBBM, plano nga ipangato ti suweldo ti mangmangged; maki-dayalogo kadagiti labor groups
Impasiguro ti Palasyo nga adda itan ti araramiden nga addang ni Presidente Ferdinand Marcos Junior tapno mapangato ti suweldo dagiti mangmangged, nangruna kadagiti adda iti private sector.
Sakbayna ket nagpanawagan dagiti dadduma a mamanday-linteg ken labor groups iti Presidente a sertipikaran nan kas urgent iti Wage Hike Bill.
Inlawlawag met ni Palace Press Officer Undersecretary Claire Castro a panggep ti Presidente a makipatang ken mangisayangkat ti konsultasyon kadagiti stakeholders tapno maamwan iti maiyannatop nga addang iti panagngato ti suweldo.
Kayat pay a masiguradot Presidente nu kabaelan met laeng dagiti employers nga ipangato ti suweldo dagiti empleyado da.
Immuna metten nga inwaragawag ni Presidente Marcos Junior a saan na a tagiawanen dagiti kiddaw ti mamanday-linteg ken dagiti labor groups ken silulukat isuna para ti dayalogo.
