BR LA UNION – Impasigurado ni Commission on Elections (COMELEC) Chairman George Erwin Garcia a 95% a nakasaganan ti poll body para iti eleksyon inton Mayo 12.
Kinuna na nga iti agdama, adda laengen dagiti ileppas ken urnosen da, makalawas sakbay iti panagbobotos.
Innayon ni Garcia, a maituloy ita a lawas iti Final Testing and Sealing (FTS), ken awan pay met ti nailista a technical issue dagiti electoral board members.
Kinuna na nga awan ti nailista a palyado nga Automated Counting Machines (ACMs) a saan nga umawat kadagiti balota.
Iti final testing and sealing ket agpaut agingga Mayo 7.
Mainaig ti daytoy, manamnama nga ita a lawas ket maileppas iti distribution dagiti balota iti naduma-duma a paset ti pagilian, agsipudta mangrugin a maibunong kadagiti mangisursuro nga agserbi iti umadanin nga eleksiyon.
