Nagnegatibo iti droga ken arak ti driver ti Solid North Bus Transit Incorporated bus a rason ti napasamak a karambola dagiti lugan sadiay Subic–Clark–Tarlac Expressway.
Daitoy nga insidente ket nangigubuay ti pannakatay ti saan a bumaba ti dosena a tattao karaman ti uppat nga ubbing ken nakadunoran ti 37 nga indibidwal.
Segun iti Tarlac City Police Station, naipasidong ti driver ti alcohol breath analyzer test kas panagsurot ti Anti-Drunk and Drugged Driving Act of 2013 kasta met iti mandatory drug testing.
Pinasingkedan ni Tarlac City Police chief Police Lieutenant Colonel Romel Santos nga agpada a nagnegatibo ti driver kadagitoy a dua nga tests.
Kabayatanna, nasuspindir met ti operasyon dagiti amin nga units ti Pangasinan Solid North Transit Incorporated ti las-ud ti 30 nga aldaw kasaruno ti nakaam-ames a pasamak.
Inyanunsiyo ni Transportation Secretary Vince Dizon a obligaen ita ti gobierno ti amin nga public utility vehicles drivers a maipasidong ti mandatory drug testing gapo kadagiti agraraira a road accidents ditoy Pilipinas.
