Nabigbigen ti Philipppine National Police (PNP) ti indibidwal a mangiwarwaras kadagiti videos t ipanag-raid ti PNP-Criminal Investigation and Detection Group (CIDG) unit ti pagtaengan dagiti Duterte idi laeng kallabes a lawas.
Segun kenni PNP Chief Police General Rommel Francisco Marbil, identified itan ti vlogger a saan paylaeng a managanan ngem mapilaan met daitoy ti maiyannatop a kaso gapo iti panangiwaras ti saan nga umiso nga impormasyon mainaig iti isyu.
Sakbay na ket nainget a pinaglibakan ti PNP dagiti akusasyon ti raid ken kinuna a fake news laeng dagitoy nga impormasyon.
Pinasingkedan pay ni Marbil nga agdaman a naka-freeze ti video nga ususaren dagiti vloggers kas ebidensya ti panag-raid.
Segun iti PNP-Cybercrime Group unit, ta nga aldaw ti nakatuding a panagpila ti kaso kontra ti nadakamat a vlogger para ti panangiwaras na kadagiti saan a berepikado a videos iti publiko.
Maipalagip a nangiruar ti waragawag ti panagkondenar ni Davao City1st District Representative Paolo ‘Pulong’ Duterte seknan ti panag-raid ti pagtaengan da a dagos met a pinaglibakan ti PNP-CIDG ken kinuna a fake news ken awan met ti aniaman a pammilin ti hanay da para ti nasao nga operasyon.
