BR LA UNION – Impaganetget manen ni Vice President Sara Duterte nga awan ti namnamaen na ngem situtured a mangsango iti impeachment trial kalpasan a nai-proklama dagiti 12 a baro a senador.
Kinuna ti Bise Presidente, saan na a nam-namaen ti maysa nga acquittal ken guilty verdict para kenkuana, iti agbalin a trial ken takderanna nga agtalinaed nga ‘at peace’ anyaman ti pagbanagan ti trial.
Innayon pay ni VP Sara, saanna nga ammo nu kasatnu nga agbotos dagiti senador gaputa biddut kunana a bilangen itan ti botos, gaputa awan pay met iti natibker nga ebidensya nga iggem ti Kongreso ken awan pay met iti impakita ti prosekusyon , nangnangruna nga awan ti ammo ti publiko nu anya a klase a depensa iti aramiden ti bunggoy na.
Impaganetget ti Bise Presidente a kayat na a matuloy iti trial tapno maaddaan ti ‘bloodbath’ idiay kongreso.
Siniguro pay ti opisyal a ti legal team na ket ‘fully engaged’ kadagiti preparasyon para iti namnamaen a trial agingga agtapos ti Hulyo ita a tawen.
Kabayatanna, nakasagana nga agsumite ti maysa a supplemental affidavit denying criminal offenses of inciting sedition and grave threats iti biang ni VP Sara iti National Bureau of Investigation (NBI).
