BR LA UNION – Impaganetget ti kangatuan a korte a dagiti empleyado ti gobyerno a madiskubre wenno agpositibo iti drug test ket saan a rumbeng a dagus nga ikkaten.
Imbaga ti Korte Suprema a maiparbeng nga ipaayan ti gundaway dagiti government employees a positino iti panagusar ti illegal drugs a maipasidong nga umuna iti rehabilition.
Segun kenni Atty. Camille Sue Mae Ting, tagapagsarita ti Supreme Court, maibasar iti nagbalin a desisyon ti korte, iti ‘dismissal’ ket maikonsidera laeng nu mapaay wenno agkedked dagitoy a makitinnulong iti intervention program.
Mainaig ti daytoy, pinasingkedan ti Korte Suprema iti desisyon ti Court of Appeals kalpasan a kedngan da ni Muntinlupa City Office Engineer Carlito P. Salomon a guilty iti grave misconduct gaputi panagpositibo iti drug test, panagusar ti shabu ti naminduaa daras.
Ngem sinuspinde ti kangatuan a pagukuman dagiti penalties a maipataw koma ken nabilin nga agpaisidong manen iti drug testing.
Ingkaso nga agnegatibo daytoy, awanen ti kasapolan a ‘treatment’ ken mabalin nga i-reassess ti panangipaay ti benepisyo ken eligibility na iti public service.
Ngem nu agpositibo latta iti illegal a droga, rumbeng nga agpaisidong iti drug dependency examination ken sumrek iti intervention program.
Kalpasanna, mabalin nga i-assess manen ti Civil Service Commission ken i-certify ti doctor na a daytoy ket fit to work pay laeng.
Mamati ti Korte Suprema a ti ‘addiction’ wenno panagusar ti ilegal a droga ket saan laeng a krimen nudiket maysa a sakit nga agkasapolan ti agas.
