BR LA UNION – Implastar ti baro a hepe ti Philippine National Police (PNP) a ni PGen. Nicolas Torre III iti tallo nga adigi ti epektibo a panangidaulo nga isuti prayoridad ken tutukan ti PNP iti sidong ti lideratona.
Ipangruna ti hepe iti panangipatungpal ti 3 minute response time para iti maysa a napartak a serbisyo ken panangresolba dagiti emerhensiya ti publiko.
Kinuna ni Torre nga impatungpalna daytoy a pagannurotan sipud nagbalin a Quezon City Police District Director ken Police Regional Office 11 Regional Director.
Nupay adda daytoy iti intero a pagilian, kayat ti hepe nga ipangruna kadagiti siyudad ken lugar idiay Metro Manila para iti ad-adda nga epektibo a panagtignay iti Greater Manila.
Ti maikadua a prayoridad ni Torre ket ti panagkaykaysa. Kinunanaa a kaspaolan ti panagkaykaysa ken nangato a moral dagiti pulis, tapno adda panagraem iti tunggal maysa para iti nasaysayaat a pannakaipakat ti trabaho.
Kamaudiananna, kaadda ti accountability dagiti pulis. Impaganetget ni Torre a saan nga umdas ti basta panagkolekta kadagiti puntos ket rumbeng nga umawat dagiti rumbeng a maipaayan ti pammadayaw gapu iti panangtungpal iti mandatoda ken agtultuloy a panangsurot iti sinapataan a pagrebbengan.
