Pinaulogan ti sanctions ti administrasyon ni US President Donald Trump dagiti uppat nga hukom ti International Criminal Court (ICC).
Adda pakainaigan na dagiti sanctions iti arrest warrant kontra Israel partikular kenni Israeli Prime Minister Benjamin Netanyahu ken kadagiti kaso kontra Estados Unidos.
Nakitaan ti korte ti “reasonable grounds” ti criminal responsibility maibusor kenni PM Netanyahu ken ni sigud nga Israeli defense minister Yoav Gallant para kadagiti aksiyon da mainaig ti “war crime of starvation” a naaramat kas wagas iti gyera iti agtultuloy nga opensiba da idiay Gaza.
Karaman kadagiti nadakamat nga ICC judges a pinaulogan ti Estados Unidos ti sanctions ket isuda Beti Hohler manipud Slovenia ken ni Reine Alapini-Gansou iti Benin.
Nakipaset dagitoy ti proceedings a nagresulta ti issuance of arrest warrant idi kallabes a Nobiembre 2024 kontra kenni PM Netanyahu.
Maysa pay ket ni Alipini-Gansou a nangiggem met ti crimes against humanity ni sigud a Presidente Duterte idiay ICC – nga immuna metten a kiniddaw ti kampo na a madiskwalipikar ti kaso.
Dagiti dua a nabatbati pay nga ICC judges ket isuda Luz del Carmen Ibanez Carranza manipud Peru ken ni Solomy Balungi Bossa iti Uganda. Nagbalin da met a paset ti court proceedings mainaig ti imbestigasyon kadagiti alegasyon kontra Estados Unidos a kinuna da a nakaaramid ti war crimes idi gyera sadiay Afghanistan.
Gapo iti sanctions ket maipariten kadagiti nasao nga ICC judges a makastrek idiay Estados Unidos ken aniaman pay a property wenno sabali pay nga interes da mainaig iti pagilian ket maharangen.
Kabayatanna, impaganetget ni US Secretary of State Marco Rubio ng aramiden ti Estados Unidos ti aniaman nga aksiyon tapno masalakiban iti soberaniya da kasta met para ti Israel ken kadagiti kaalyado a pagilian manipud ti illegal nga aksyon ti ICC.
