BR LA UNION – Inpadamag ti lokal a gobierno idiay Quezon City nga umabot iti siyam a tattao ti pimmusay iti lugarda gapu iti Leptospirosis.
Iti nadakamat a bilang, umabot iti dua a kaso ti nairekord idiay Barangay Payatas B.
Saggaysa a kaso ti nairekord iti Barangay Commonwealth, Batasan Hills, Central, Tatalon, idinto a tallo a kaso ti nairekord iti dadduma a barangay.
Maibasar iti datos manipud iti Quezon City Epidemiology and Surveillance Division, 80% a nangatngato daytoy a kaso no ikumpara iti bilang dagiti natay idi napan a tawen, a dimmanon iti lima.
Gapu iti daytoy, nagpalagip manen ti Quezon City Epidemiology and Surveillance Division iti publiko a liklikan ti panaglangoy kadagiti danum ti layus, nangruna no adda sugat kadagiti saka.
Daytoy ket gapu ta mabalin a sumrek ti virus manipud iti isbo ti bao wenno otot ken nasaysayaat a bugguan a naimbag ti bagi sakbay nga agtukod iti layus.
Mabalin met ti agturong iti health center wenno ospital tapno ag-avail ti post-exposure prophylaxis nga isu ti proteksiyon kontra leptospirosis.
