BR LA UNION – Natiliw ti maysa a barangay kagawad ken maibilang a high value individual iti naisayangkat a drug buy bust operation idi Hunyo 16, 2025 agarop 4:50 ti malem idiay Aringay, La Union babaen iti nagtipon a puwersa ti Aringay Police Station ken PDEA-RO1.
Iti suspek ket 34-anyos, awanan asawa, barangay official ken residente ti Barangay Santo Rosario West ti nasao nga ili.
Nakumpiskar iti ikot ti suspek ti tallo (3) a heat sealed transparent sachet a maipagarop a naglaun ti shabu ken mapatta-patta nga aggatad ti 6,800 pesos.
Natiliwan pay iti non-drug evidence: nangisit a pouch, maysa a cellphone a nausar iti transaction ken buy bust money a 500 pesos.
Kalpasan ti operasyon, naiturong ti suspek idiay La Union Medical Center, Agoo La Union para ti medical examination ken panakapaisidong na ti drug test.
Naibalud ti suspek idiay Aringay Police Station gaputi kaso a panaglabsing ti Republic Act 9165 wenno Comprehensive Dangerous Drugs Act of 2002.
